Un periodista condenau a fer articlos que lo malacontentan, un gato que aduya con os suyos barruntos a los bombers, las dudas d’un mosen sobre lo miraglo que acayeixe cada día en a suya ilesia, la loquería d’as vacacions d’un hombre farto d’a fayena suya, un detector de sanseladas que s’esmarchina, la culpa que acosa a un pecador, una tarotista que columbra los posibles destins d’un adolescent, un editor que vei revilcar la suya pasión profesional, una ladrona que luita contra un particlar sistema d’alarmas y muito mas.
Mas que catorce son quince relatos diversos en tematica, chenero y estilo. Fantesía y realidat se cruzan en istas historias plenas d’emocions, ambientadas en escenarios que van dende la Val d’Anyisclo dica l’espacio exterior, pasando por Zaragoza.
